სკოლა „თამარიონის“ VIII, IX და XI კლასის მოსწავლეებმა ქართული ენისა და ლიტერატურის პედაგოგის, ნატალია ცერცვაძის ხელმძღვანელობით წარმოადგინეს ლიტერატურული კომპოზიცია თემაზე ,,მათ ხსოვნას ქვეყანა სანთლებად აინთებს”.
მოსწავლეებმა ამ ღონისძიებით კიდევ ერთხელ მიაგეს პატივი 9 აპრილს დაღუპული გმირების ხსოვნას. გმირების, რომელთა ფიზიკური მარცხი პირდაპირპროპორციული იყო მათივე მორალური გამარჯვებისა. გმირების, რომელთა თავგანწირვამ თავისუფლება მოუტანა ჩვენს სამშობლოს.
