25 March 2022

 24 მარტს სკოლა „თამარიონში“ VII² კლასის მოსწავლეების მონაწილეობით შემეცნებითი და საინტერესო ინტლექტუალური თამაში „ინტელექტული“ ჩატარდა. 

ღონისძიება კლასის დამრიგებლის, შორენა რეხვიაშვილის ინიციატივითა და ორგანიზებით გაიმართა. 

ტურნირი სამი ტურისგან შედგებოდა და მოსწავლეებს სხვადასხვა თემატიკის შეკითხვებზე მოუწიათ პასუხის გაცემა. საფინალო ტურის შემდეგ, რომელიც საკმაოდ დაძაბული გამოდგა, კლასის „ინტელექტუალის“ წოდება ლიზი ქიტუაშვილმა მოიპოვა. მეორე და მესამე ადგილები თიკა აბრამიშვილმა და ნანა ახალაიამ გაინაწილეს. გამარჯვებულს სიგელი და სამახსოვრო საჩუქარი გადაეცა. სიგელებით დაჯილდოვდნენ, ასევე, მეორე-მესამე ადგილზე გასული მოსწავლეები.