25 December 2015

საბუნებისმეტყველო მეცნიერებათა კათედრამ ტრადიციულად კიდევ ერთი დაუვიწყარი დღე ჩაწერა სკოლა ,,თამარიონის’’ ისტორიაში 2015 წლის 25 დეკემბერს. „ყურადღება! დღეს პარასკევია, 2015 წლის 25 დეკემბერი და ჩვენ ვიწყებთ ინტელექტუალური თამაშის „რა? სად? როდის?“ ფინალს!“ – აცხადებს წამყვანი, XII კლასის მოსწავლე თორნიკე ყაფლანიშვილი.

„დღეს ჩვენ უნდა გამოვავლინოთ სკოლა ,,თამარიონის’’ 2015 წლის მოაზროვნეთა ექვსეული და დავასახელოთ წლის მაგისტრი,” აგრძელებს თანაწამყვანი, XI კლასის მოსწავლე მარიამ გოგალაძე.

დარბაზში აჟღერებული ჰიმნი, აფრიალებული დროშა, საპატიო დერეფანი, ფერად-ფერადი შუშხუნების გაშვება, დიპლომები, საჩუქრები, ულამაზესი ტორტი და მუსიკალური ნომრები, ,,ტროპიკული პაუზა“ ამაღლებულ განწყობას უქმნის მოაზროვნეებს…