სკოლა „თამარიონში“ მათემატიკის კათედრის ორგანიზებით გამოფენა „მათემატიკა მეცნიერების დედოფალია“ გაიმართა. გამოფენას კათედრის თავჯდომარე მაია ბარნაველი ხელმძღვანელობდა.
„გამოფენის მიმდინარეობისას მოსწავლეებს შესაძლებლობა ჰქონდათ მონაწილეობა მიეღოთ სკოლის ეზოში წარმოდგენილ სხვადასხვა აქტივობაში: ამოეხსნათ მათემატიკური თავსატეხები, აეწყოთ ფაზლები, მიეღოთ მონაწილეობა სახალისო ამოცანების ტურში, გაცნობოდნენ ბევრ საინტერესო მათემატიკურ ფაქტს, ემოგზაურათ რიცხვთა სამყაროში, ენახათ მათემატიკური ფოკუსები და სხვა“ - აღნიშნა მაია ბარნაველმა.
გამოფენის პარალელურად მიმდინარეობდა შეჯიბრი რუბიკის კუბიკის აწყობაში. მოსწავლეები, რომლებმაც მოცემული დავალება ყველაზე სწრაფად შეასრულეს, სიგელებითა და პრიზებით დაჯილდოვდნენ.
იხილეთ ფოტოები: